Një grua japoneze e cila u prek rëndë nga Covid-19, ka kryer transplantim të mushkërive, ku indet e mushkërive u transplantuan nga burri dhe fjali i saj, tek gruaja e infektuar me virus. Operacioni u krye në spitalin Universitar të Kiotos, ndërsa zgjati 11 orë ku prezent ishte një ekip mjekësor prej 30 personash.
Në pamjet me rreze X shihet rezultati para dhe pas operacionit, ku zonat me hije të zezë tregojnë vendin ky është transplantuar indi i mushkërive. Theksojmë se pandemia e Covid-19, shkakton dëmtime të mëdha të mushkërive të pacientëve të prekur me këtë virus.
Ky rast është i veçantë, pasi është i pari operacion ku indet e mushkërive transplantohen nga dhuruesit e gjallë. Dr. Hiroshi Date, kirurg në spitalin ku u kryer transplantimi i mushkërisë, tha se ky operacion sjellë shpresë për ata pacientë të prekur me Covid që u dëmtuan në mushkëri.
Dr. Hiroshi Date, kirurg:
Gruaja që iu nënshtrua operacionit, është nga rajoni perëndimor i Japonisë Kansai dhe u infektua me Covid-19 në fund të vitit të kaluar, teksa kaloi muaj të tërë në intubim. Covid-19 i shkaktoi shumë dëmtime mushkërive të saj, ndërsa nuk ishin më funksionale.
Dhuruesit e indeve të mushkërive që shpëtuan gruan, ishin burri dhe djali i pacientes. Dhuruesit janë në gjendje të mirë shëndetësore, teksa gruaja është ende nën kujdesin intensiv të mjekëve. Ajo pritet të largohet nga spitali pas r dy muajve.
Burimi: edition.cnn.com/Përktheu dhe Përshtati: JOQ Albania
