Prokurorët italianë kanë ngritur një akuzë të rëndë ndaj një zyrtari të lartë të OBSH-së se ai ka gënjyer në lidhje me një raport të OBSH-së për përgjigjen e Italisë ndaj koronavirusit, duke bërë publike komunikime private që ka gjasa ta vënë në pozitë të vështirë agjencinë e OKB-së për shëndetësinë. Prokurorët në Bergamo e vendosën nën hetim Dr. Ranieri Guerra, i cili në atë kohë ishte ndihmës drejtor i përgjithshëm i OBSH-së, duke e akuzuar për deklarata të rreme para tyre kur ra dakord t’u përgjigjej pyetjeve në nëntor. Dr. Guerra ishte ndërmjetësi i OBSH-së me qeverinë italiane, menjëherë pasi Italia u bë epiqendra e epidemisë COVID-19 në Evropë një vit më parë.
Prokurorët po hetojnë numrin e lartë të të vdekurve ngaCOVID-19 në Bergamo dhe nëse mungesa e përgatitjes së Italisë para pandemisë, kishte luajtur ndonjë rol në këtë. rol. Hetimi i tyre u zgjerua duke përfshirë raportin e OBSH-së për përgjigjen e Italisë ndaj virusit, që nxorri në pah se qeveria italiane nuk e kishte rishikuar planin për përgatitjen pandemitë që në vitin 2006. OBSH-ja e hoqi raportin nga faqja e internetit më 14 maj, një ditë pasi e publikoi dhe nuk e ribotoi më. Zhdukja e dokumentit la të kuptohej se OBSH-ja e tërhoqi atë për të shmangur kritikat, vënien në pozitë dhe përgjegjësinë ligjore për qeverinë italiane.
Burimi: sacbee.com |Përktheu dhe Përshtati: JOQ Albania