Gjatë ditës së djeshme Anglia u përballë me një lajm të hidhur, ndërsa ndërroi jetë Princi Philip. Ky i fundit, burri i Mbretëreshës Elizabeth II, vdiq në moshën 99 vjeçare në Kështjellën Windsor dje në mëngjes.. Lajmi i keq u bë publik nga Pallati Buckingham, ndërsa mësohet se gjatë momenteve të fundit pranë shtratit të Princit ka qenë Mbretëresha.
Pallati Buckingham nuk ka pranuar të japë detaje nga vdekja e tij, por mendohet se ai ishte sëmurë në gjendje të rëndë dhe se gjendja e tij u përkeqësua brenda natës. Në fillim të këtij viti, Duka i Edinburgut, 99 vjeç, kaloi 28 ditë në spital për trajtimin e një infeksioni dhe gjendje të mëparshme të zemrës, duke u kthyer në kështjellën Windsor më 16 mars.
Shëndeti i tij u përkeqësua brenda javës, ndërsa sipas burimeve në pallat, mjekët kanë sugjeruar që ai të dërgohet në spital, por është ndaluar nga Mbretëresha.
Burimi: metro.co.uk/Përktheu dhe Përshtati: JOQ Albania
