"Një urdhër i Vladimir Putin për të goditur Ukrainën ose Perëndimin me armë bërthamore do të injorohej nga komandantët e tij të lartë", ka thënë një gazetar investigativ. Shumë zyrtarë kryesorë ushtarakë dhe të sigurisë së vendit, si dhe miq të oligarkëve, besojnë se Putini është duke vdekur, pasi vuan nga një sëmundje e rëndë, tha Christo Grozev, i cili është një ekspert për politikën në Rusi.
Duke menduar se Putin mund të vdesë së shpejti, rrethi i tij i komandantëve nuk do të rrezikojnë gjyqet për krime lufte.
Presidenti rus vendosi forcat bërthamore të Moskës në gatishmëri të lartë menjëherë pas bombardimeve në Ukrainë, më 24 shkurt, duke rritur frikën se ai mund të shtypte butonin ndërsa lufta në Ukrainë vazhdon ende.
Ndërkohë, Rusia është drejtuar gjithnjë e më shumë tek goditjet bërthamore, teksa lufta në Ukrainë ka ngecur dhe mediat shtetërore javën e kaluar lëshuan kërcënime për të zhdukur Mbretërinë e Bashkuar me raketa “Satan II”.
