Maradona në “Wembley” duke parë Argjentinën? Fotoja që po “tërbon” rrjetin

Shkruar nga: Enea Prenjasi | Publikuar më: 10.06.2022, 07:52

Legjenda argjentinase, Diego Armando Maradona ndërroi jetë më 25 nëntor 2020, duke lënë pas një histori të lavdishme. Ai u nda nga jeta në moshën 60-vjeçare, teksa të gjithë kujtojnë lavdinë e tij.

Megjithatë, një foto e kapur gjatë sfidës Itali-Argjentinë në “Wembley” në turneun “Finalissima” është bërë virale dhe po "tërbon" internetin. Në pamjet e shpërndara në rrjet, është fokusuar një person mes tifozëve që ngjason si Diego Armando Maradona.

Tifozi mbante veshur një kapele, teksa nga fotoja vërehet një ngjasim i madh me legjendën Diego Armando Maradona. “Diego është gjallë, Diego ishte në Wembley, ai nuk mund të mos ndiqte Argjentinën e tij” , ishte fraza që u bë virale.

Gjithçka nisi nga llogaria në “Twitter” e Sara Aribo, një fotografe profesioniste, e cila shpërndau një foto bardhezi të Mesit dhe në sfond ndodheshin tifozët.

Teksa në këtë moment, ndjekësit e saj në rrjetin social kanë dalluar një person me kapele mes publikut që ngjason shumë me Maradonën. “TyC Sports” më pas ri-publikoi fotografinë në të cilën shihet qartë figura e ngjashme me Maradonën.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit