Pavarësisht se ishte i huazuar, paraqitjet e mira këtë sezon të Etrit Berishës me Torinon, kanë bindur këtë klub të paguajë te Spali klauzolën për blerjen e kartonit të gardianit kuqezi.
Sipas mediave italiane, Torino pritet të paguajë në ditët në vazhdim 1 milion euro në llogarinë e Spalit për të blerë përfundimisht kartonin e portierit të kombëtares shqiptare.
Sipas mediave italiane, në vendimin e klubit të Torinos për të blerë kartonin e Berishës ka ndikuar edhe trajneri Juriç, që ka besim të plotë te shqiptari.
Berisha zhvilloi 10 takime me Torinon në sezonin që lamë pas duke u ndëshkuar me një karton të verdhë, teksa në katër raste mundi ta ruante portën të paprekur.