Dani Olmo, mesfushori i RB Leipzig dhe kombëtares spanjolle ka rënë pre e grabitësve në Valencia. Sipas mediave spanjolle hajdutët kanë arritur t’i marrin mesfushorit një orë Rolex me vlerë 30,000 euro. Ngjarja thuhet se ka ndodhur vonë pasditen e së premtes kur futbollisti katalanas po dilte nga një berber në Hospital Street me vëllain e tij. Në atë moment njê burrë iu afrua me shpejtësi dhe i mori orën që Dani Olmo mbante në kyçin e dorës.
Hajduti u largua nga vendi i ngjarjes me një makinë që e priste teksa po ndiqej nga vëllai i Olmos. Ky i fundit mbeti i plagosur dhe u detyrua të mjekohej nga një ambulancë pasi u tërhoq zvarrë nga automjeti.