Oleksandr Usyk dhe Anthony Joshua do përballen sërish mes tyre për titullin e kampionit botëror në peshat e rënda. Dyshja ishin përballur me njëri-tjetrin në shtatorin e kaluar kur Usyk fitoi ndaj britanikut dhe tani është koha për revansh.
Përballja mes Usyk dhe Joshua, është konfirmuar tashmë dhe ata do të ndeshen mbrëmjen e së shtunës më 20 gusht. Dueli mes tyre do të zhvillohet në Jeddah të Arabisë Saudite. Fituesi i duelit ka gjasa të mëdha që të përballet me kampionin e WBC, Tyson Fury për unifikim titujsh.
