Një ngjarje tragjike ka tronditur Greqinë pasi një burrë 55-vjeçar ka vrarë gruan e tij dhe më pas ka lajmëruar djalin për atë që bëri. Mediat greke bëjnë me dije se 55-vjeçari pasi ka goditur veten me thikë në gjoks dhe ka vrarë gruan e tij, ka telefonuar djalin e tij 24-vjeçar dhe i ka thënë: " Të vrava nënën!" . I riu ishte jashtë dhe po argëtohej kur babai i tij e telefonoi dhe i tha se kishte vrarë nënën e tij. Menjëherë, ai u kthye në shtëpi dhe pa nënën e tij të zhytur në një pellg gjaku dhe të mbështjellë me perde. Në atë kohë babai i tij ishte larguar me makinë nga shtëpia.
Autori thuhet se ka goditur me thikë bashkëshorten e tij 46-vjeçare, sot në të gdhirë pas një debati që kishin patur. 55-vjeçari pas vrasjes së bashkëshortes ka marrë makinën dhe teksa lëvizte në rrugën Athinë-Sunio në plazhin Thymari ka humbur kontrollin e mjetit, për pasojë është përplasur me gurët. 55-vjeçari është marrë me autoambulancë dhe është transportuar në spitalin KAT, ku po trajtohet nën vëzhgimin e policisë.
