Dy të rinj me origjinë nga Kosova, një burrë dhe një grua vetëm njëzet vjeç, dyshohet se janë trajnuar për të kryer akte terroriste dhe kanë planifikuar të kryejnë një sulm me mjete shpërthyese në Itali, në emër të organizatës terroriste "Shteti Islamik" (IS). Mediat italiane kanë publikuar videon nga lëvizjet e një prej të arrestuarve, ku shihet se si ai trajnohet në një banesë. Si burri ashtu dhe gruaja u arrestuan dhe u hetuan për bashkëpunim me qëllim terrorizmi ose përmbysje të rendit demokratik, rekrutim dhe trajnim për qëllime terroriste, duke përfshirë edhe ato ndërkombëtare.
Nga veprimet hetimore rezultoi se dy të rinjtë, të lindur në Itali nga familje me origjinë kosovare prej kohësh kishin ndërmarrë një rrugë radikalizimi të mundësuar dhe efektiv nga propaganda xhihadiste në internet. Pas kryerjes së sulmit, të dy duhej të udhëtonin në Afrikë për t'iu bashkuar organizatës terroriste. Gjatë operacionit u kryen disa kontrolle të cilat bënë të mundur sekuestrimin e pajisjeve kompjuterike dhe produkteve kimike për prodhimin e mjeteve