Që gjendja e rrugëve në Shqipëri është e keqe, madje edhe atyre të sapo shtruarave, kjo gjë tashmë dihet. Për këtë mjafton të dalësh të shohësh rrugën poshtë shtëpisë dhe do na jepni të drejtë. Megjithatë gjendja e tyre në fshate, larg qendrave të qyteteve, paraqitet akoma më e keqe, e si për ironi, votat i janë marrë banorëve atje pikërisht me premtimet për t’i shtruar ato.
Denoncimi i radhës i ardhur në redaksinë tonë vjen nga një banor i fshatit Ibë, i cili na tregon edhe me pamje se si gropat në rrugës që lidh fshatrat e zonës atje, janë bërë aq të mëdha sa sipas tij mund të hynë edhe njerëzit brenda.
Pluhuri nga gjendja e keqe e rrugës jo vetëm që dëmton banorët atje, automjetet e atyre dhe sidomos fëmijët që shkojnë në shkollë, por është shumë negative edhe për turistët që shkojnë tek Shpella e Pëllumbasit. Personi që bën thirrjen për rregullimin e rrugës që është vetëm 1 km ja drejton atij që i ka dhënë votën, Erion Veliajt dhe i “qan hallin” edhe për vitin e rinisë europiane.
Denoncimi i plotë:
