Adnan Januzajt mbylli sezonin e tij të fundit me Real Sociadadin dhe aktualisht është një futbollist i lirë pas përfundimit të kontratës me skuadrën spanjolle.
Në drejtim të tij ka disa oferta dhe pista më e mundshme duket Italia. Gjatë orëve të fundit në ndjekje të futbollistit duket se është vënë Napoli.
Sipas raportimeve nga “Tuttomercato.web”, Presidenti i klubit, Aurelio De Laurentis ka kontaktuar agjentin e mesfushorit 27-vjeçar për t’u informuar mbi mundësitë e këtij transferimi.
Nga ana tjetër, belgu ka shprehur disponibilitetin e tij për këtë transferim.
Roma e Murinhos gjithashtu kishte treguar interesim për lojtarin pak kohë më parë dhe nuk përjashtohet një garë mes italianeve në merkato për të arritur transferimin e Januzajt.