Bëhuni gati! I nxehti afrikan rikthehet sërish në Shqipëri, temperatura deri në 38 gradë

Shkruar nga: A Shehaj | Publikuar më: 16.08.2022, 21:22

Reshjet e shiut dhe temperaturat nën 30 gradë në vendin tonē nga nesër do t’i lënë radhën të nxehtit afrikan i cili do të rikthehet sërish. Sipas sinoptikanëve, këtë javë Shqipëria do të përfshihet nga temperatura të nxehta. Sinoptikania, Lajda Porja shprehet se nga e mërkura e deri të premten do të ketë rritje temperaturash që do të arrijnë deri në 38 gradë.

Duke filluar nga e mërkura deri të premten do kemi rritje të ndjeshme temperaturash për shkak të masave afrikane që ndodhen në brigjet greke. Shqipëria do pësojë rritje të temperaturave dhe të ngjitet në 38 gradë.

Por sinoptikania shton se moti në fundjavë, merr sërish kthesë pasi do rikthehen sërish ditët e vjeshtës me ulje të ndjeshme temperaturash.

Kjo situatë pritet të ndryshojë mënjëherë në fundjave ku e shtuna do sjellë rënie të temperaturave, reshje shiu dhe erë të fortë.

Për të gjithë ata që kanë zgjedhur fundin e muajit Gusht për pushime, tempertaurat nuk do t’i kalojnë 33 gradë.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Më të Lexuarat
Shkarkoni aplikacionin JOQ ALBANIA në platformat
Më të fundit