Një vajzë refugjate pesëvjeçare ka vdekur pasi është kafshuar nga një akrep në një ishull të pabanuar midis kufirit grek dhe turk. Vajza, e quajtur Maria, ishte pjesë e një grupi prej 39 migrantësh, 22 burra, nëntë gra dhe tetë fëmijë, të cilët thuhet se kanë mbetur të bllokuar në ishull për më shumë se një muaj pasi Greqia dhe Turqia refuzuan t’i merrnin ato.
Baida, një grua 27-vjeçare që udhëtonte me grupin, tha se ata arritën në një ishull të paidentifikuar në lumin Evros më 14 korrik, por mbetën pa ushqim, ujë ose në ilaçe. Grupi u shpëtua të hënën nga autoritetet greke, të cilat pas debateve me turqit më në fund pranuan se ishin përgjegjës për sigurinë e tyre.
Ministria e migracionit e Greqisë tha se grupi ishte në 'gjendje shumë të mirë' por se një grua shtatzënë ishte dërguar në spital si masë paraprake. Megjithatë, Baida ka treguar një histori tjetër duke pretenduar se dy të rinj u mbytën duke u përpjekur të dilnin nga ishulli përpara se Maria të pickohej nga një akrep dhe të vdiste nga helmi javën e kaluar. Ajo tha se motra e Marias, Aiya nëntë vjeçare, gjithashtu u pickua dhe është në gjendje kritike.
Autoritetet greke nuk e kanë konfirmuar këtë deklaratë dhe nuk përmendin një fëmijë të dërguar në kujdesin intensiv pas shpëtimit. Megjithatë, Ministri i Migracionit, Notis Mitarachi ka thënë se autoritetet do të kthehen sot në ishull për të kërkuar trupin e vajzës së vdekur.
Pavarësisht se ishte në anën greke të lumit, Baida pretendon se autoritetet mbërritën dhe i shtynë ata në Turqi më 26 korrik. Më tej ajo pretendon se turqit e morën atë dhe shokët e saj rreth 16 milje në veri dhe i hodhën në një ishull të dytë më 1 gusht. Një javë më vonë, pas një përplasjeje të armatosur midis Turqisë dhe Greqisë, ajo pretendon se turqit e kthyen grupin në ishull më 7 gusht.
