Partia Demokratike e Shqipërisë në çdo dalje publike e media përpiqet t’u rikujtojë shqiptarëve se është një parti Konservatore e mbështetur te vlerat themelore të familjes tradicionale.
Por duket se në letra e dokumente, kjo parti rezulton të jetë parti e Qendrës së Djathtë.
Avokati i njohur Altin Goxhaj ka siguruar dokumentet ku në statut PD ideologjikisht pozicionohet si Parti e Qendrës së Djathtë bashkë me partitë e tjera në Europë. Në postimin e Goxhaj thuhet se Qendra e Djathtë quhet ndryshe e Majta e të Djathtës apo e Djathta e të Majtës.
Më tej Goxhaj thotë se teksti i mëposhtëm është miratuar sot.
Postimi i plotë i Goxhaj:
Fact Checking:
PD ZYRTARIZOHET SI PARTI E QENDRËS SË DJATHTË DHE JO KONSERVATORE!
Po qesh me këtë formulimin e Statutit të PD
Kanë rrejt me zë sikur janë parti konservatore (besojnë në "vlerat më të larta konservatore patriotike të kombit shqiptar si dhe vlerat themelore të familjes tradicionale në Shqipëri") por në fakt sanksinohohet se ideologjikisht dhe politikisht janë parti e Qendrës dhe këtë e përcaktojnë në Nenin 2 pika 3:
"PD është anëtare e Partisë popullore Europiane dhe Bashkimit Demokrat Ndërkombëtar. Ajo udhëhiqet në veprimtarinë e saj nga të njëjtat vlera e parime që ajo ndan me partitë simotra të këtyre organizatave"!
Pra për të na rrejt në televizor çitojnë fjalën konservatore në lidhje me besimin te vlerat tradicionale por në statut kanë sanksionuar që ideologjikisht pozicionohen si Parti e Qendrës së Djathtë bashkë me partitë e tjera në Europë
Atë punën e besimit tek vlerat patriotike konservatore e gjen kudo por kjo nuk përcakton boshtin ideologjik e përcakton se në cilin spektër ndodhesh dhe këtë e sanksionojnë në pikën 3: QENDRA E DJATHTË, apo siç quhet ndryshe E MAJTA E TË DJATHTËS apo E DJATHTA E TË MAJTËS
Nuk jam qartësuar ende plotësisht për vendimet e sotshme, por deri tani gjithshka kam lexuar për zgjedhjet lokale është sikur ta ketë shkrujt Lali i Soros.. Mbase e ka shkrujt me vërte përderisa grupi i punës është po ai që ka pas Lyli i Soros
P.S.
KY ËSHTË TEKSTI QË MË ÇUAN DHE MË THANË SE ËSHTË MIRATUAR SOT
NËSE ËSHTË GABIM KËRKOJ NDJESË, POR JO DERI SA TA PËRGËNJESHTROJNË ME TEKST TJETËR 🙂
