Pas Rolls Royce ultra luksoze, me vlerë më shumë se 280 mijë euro, që Georgina Rodriguez i bëri dhuratë të dashurit të saj Cristiano Ronaldo, shumë besuan se ky është një nga çiftet më të dashur.
Mirëpo, së fundmi disa raportime se marrëdhënia e tyre është përfekte sa për sytë e botës po marrin gjithmonë e më shumë hapësirë në media.
Mediat e huaja shkruajnë se marrëdhënia e tyre duket se po kalon një krizë dhe kjo ka nisur që në momentin që Ronaldo ka pranuar transferimin te skuadra e Arabisë Saudite, Al Nasr.
Ajo që ka ndezur zërat për një krizë të mundshme është videoja që modelja ka postuar pak ditë më parë, kur i ka bërë dhuratë topfutbollistit Rolls Royce luksoz.
Më konkretisht, ajo që çoi në spekulimet e mësipërme, duket se nuk ka qenë makina mbresëlënëse, por kimia thuajse inekzistente mes dyshes. Po ashtu thuhet se ata postojnë foto sa për të kënaqur ndjekësit e tyre virtualë, por në fakt brenda dyerve të mbyllura marrëdhënia e tyre është e ftohtë.
Ronaldo dhe Rodriguez, sipas raportimeve që qarkullojnë në Argjentinë, ndajnë lidhjen e tyre të dashurisë vetëm sepse është fitimprurëse dhe plotëson nevojat e kompanive reklamuese.
Karriera e futbollistit është ndoshta ajo që ka ndikuar në ekuilibrin e marrëdhënies së tyre.
Gazetari Gonzalo Vasquez theksoi në emisionin "Socialite": "Zhgënjimi i fundit i lojtarit në Botërorin e Katarit me kombëtaren portugeze mund të ketë shkaktuar krizën dhe dasma që ata kishin planifikuar për vitin 2023 është në ‘pritje’”, duke theksuar se shtyrja e dasmës së tyre është e pacaktuar, por shansert janë që Georgina Rodíguez dhe Cristiano Ronaldo të mos shkojnë fare në altar.
View this post on Instagram
