Një nga trajnerët më të mirë të futbollit në vitet e fundit, Zinedin Zidane, është i papunë prej kohësh, por muajt e fundit përflitet shumë për një rikthim të tij në arenën e madhe të futbollit, të cilën me Real Madridin e “pushtoi” për disa vite.
Lionel Charbonnier, mik i ngushtë dhe shok i vjetër i Zidane në kombëtaren e Francës, ka folur së fundmi për të ardhmen e trajnerit. Ai shprehet se Zidane nuk ka ndërmend të drejtojë një skuadër në Angli, teksa shton se Zidane me shumë mundësi do të drejtojë Brazilin ose Juventusin.
“Ai nuk do të shkojë në Angli, por në Itali, ku ka një lidhje të veçantë me Juventusin. Ai do të shkojë te ‘Zonja’ ose do të ulet në stolin e një ekipi kombëtar.
Brazilianët do të ishin shumë të lumtur të kishin një trajner si ai, që dëshiron të lërë gjurmë në futboll. Në fakt, brazilianët mendojnë se Zidane është më shumë brazilian se francez. Në Angli, megjithatë, nuk e shoh. Ai nuk flet as anglisht”, tha miku i tij.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
