Dy video tronditëse kanë dalë në dritë në lidhje me rastin e 50-vjeçarit që u gjet i varur brenda shtëpisë së tij në Moschato, Greqi.
Këto janë momentet e fundit të burrit, të cilat janë filmuar nga 47-vjeçarja, që akuzohet se e ka ndihmuar të vetëvaret. Në video dëgjohen kërcënimet e gruas ndërsa kontabilisti qëndron përballë saj.
“Mund të mos kem forcë të vras veten sepse kam mbaruar, por do të të vras”, thotë gruaja.
“Kam humbur gjithçka dhe nuk e kam kuptuar si”, ia kthen kontabilisti.
Më pas gruaja e pyet: “Më trego ku shkuan paratë” dhe më pas e shan.
"Nëse nuk më vrisni tani, do të më vrasin në burg", dëgjohet burri duke thënë.
Pasditen e sotme, Gjykata ka dhënë masën e sigurisë arrest me burg për 47-vjeçarjen, e cila në dëshminë e saj ka pranuar se e ka ndidhmuar kontabilistin të vetëvaret.
Sipas dëshmisë së saj, kontabilisti ka varur në qafë litarin, ndërsa gruaja i ka hedhur karrigen që mbante poshtë këmbëve, duke i marrë jetën.
Shikoni videon KËTU.
Takimi i fundit mes viktimës dhe të akuzuarës
Mediat greke bëjnë me dije se, referuar dëshmisë së 47-vjeçares, në takimin e fundit 50-vjeçari burri ka qenë i dëshpëruar, pasi nuk ka mundur t'i kthejë paratë.
Po në këtë takim ka ndodhur një përplasje mes të dy palëve gjatë së cilës, gruaja pretendon se ka marrë një litar dhe ka tentuar të mbysë 50-vjeçarin. Ky i fundit më pas i është përgjigjur duke thënë se do vriste veten.
“Nuk duroj dot më, do vras veten”, tha ai, kur prapritur mori një karrige. Ai lidhi në qafë litarin që kishte marrë gruaja me vete dhe kjo e fundit i ka shtyrë karrigen.
Ajo raportohet gjithashtu të ketë thënë në dëshminë e saj se kur e pa burrin të varur nuk dinte çfarë të bënte derisa u shfaq policia.
Ajo që po shqyrtohet nga ELAS është nga njëra anë pretendimi i 47-vjeçares se ka pasur mosmarrëveshje financiare dhe çfarë lloj mosmarrëveshjesh kanë qenë me viktimën dhe nga ana tjetër nëse ka pasur një person të tretë në apartament ne Moschato.
Historia
Kontabilisti dhe 47-vjeçarja njiheshin prej dhjetë vitesh dhe lidhja e tyre ishte thjesht profesionale. Pak para orës 18, 47-vjeçarja ka mbërritur në shtëpinë e kontabilistit grek pasi pretendon se 50-vjeçari i kishte zhvatur rreth 200 mijë euro.
Në të njëjtën kohë, sipas policisë të shtunën e kaluar persona që kishin investuar para tek kontabilisti kanë shkuar në zyrën e 50-vjeçarit në Kallithea dhe e kanë rrahur.
Sipas të njëjtave informacione, bashkëshortja e 50-vjeçarit, me origjinë nga Shqipëria, ka pasur akses në llogaritë e tij bankare, ka tërhequr para dhe është larguar për në vendin e saj