Aktori i famshëm Mark Wahlberg shpjegon pse është e rëndësishme të mos e mohosh besimin në Zot

Shkruar nga: M Gjini | Publikuar më: 24.02.2023, 22:18

Aktori i famshëm hollivudian Mark Wahlberg nuk e fsheh marrëdhënien e tij me Zotin – as kur bëhet fjalë për të folur për besimin e tij katolik dhe as kur bëhet fjalë për të vizatuar një kryq hiri në ballë në respekt të ditës së parë të Kreshmës.

"Është një balancë," i tha 51-vjeçari në një emision televiziv prezantueses Savannah Guthrie për praktikën e tij për të diskutuar rreth fesë. “Nuk dua t’ia ngec askujt në fyt, por nuk e mohoj besimin tim. Mohimi është një mëkat edhe më i madh. E dini, nuk është diçka popullore në industrinë kinematografike, por nuk mund ta mohoj besimin tim. Është e rëndësishme për mua ta ndaj me njerëzit. Unë kam miq nga të gjitha sferat e jetës dhe nga të gjitha llojet e ndryshme të besimeve dhe feve, kështu që është e rëndësishme t'i respektojmë dhe t'i nderojmë gjithashtu."

Gjatë një vizite të mëparshme në po të njëjtin emision, në prill 2022, Wahlberg theksoi se ai mban një qëndrim të tipit “mos detyro”, kur bëhet fjalë për katër fëmijët që ai ka me gruan Rhea Durham.

"Unë nuk ua detyroj fenë fëmijëve," tha ai në atë kohë. Por ata e dinë se babi nuk mund ta fillojë ditën pa u lutur, nuk mund ta fillojë ditën pa lexuar Shkrimet e Shenjta ose pa shkuar në Meshë. Dhe shpresoj që në vend që t'i detyroj, ata do të thonë: Epo, nëse funksionon për babin, ndoshta do të funksionojë për ne, dhe ata do të tërhiqen drejt besimit vetë.

Wahlberg foli dhe për sezonin e Kreshmës dhe periudhat e agjërimit që janë pjesë e saj.

"Ka shumë elementë të ndryshëm për agjërimin," shpjegoi Wahlberg. "Unë mendoj se gjëja e rëndësishme për të kuptuar është se, para së gjithash, nëse keni probleme me ushqimin, ka gjëra të tjera. Zoti i di gjërat nga të cilat ai dëshiron që ju të shkëputeni. Ne të gjithë i dimë ato gjëra që na bëjnë të ndihemi fajtorë, e që nuk na bëjnë të ndihemi aq mirë sa duhet. Pra ka të bëjë me faktin që të shkëputemi nga ato gjëra dhe të fokusohemi tek zakonet e mira në krahasim me veset e këqija. Ka sfida për agjërimin, si përshembull sot, nuk do ha fare mish. Unë do të ha vetëm një vakt sot dhe do ta bëj çdo të premte gjatë gjithë Kreshmës dhe të Premten e Madhe."

Wahlberg gjithashtu do të udhëheqë dëgjuesit në mësime frymëzuese mbi praktikën e agjërimit si pjesë e sfidës së Kreshmës Pray40 të aplikacionit Hallow.

FACT CHECK: Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e raportoni këtu.
Heroit të Muajit
KLIKO PËR TË VOTUAR
  • Shqiptari në Gjermani
    Shqiptari në Gjermani, i cli gjeti në rrugë një portofol dhe vendosi që atë t;ia kthejë të zotit, një shtetas gjerman. Ai filmoi veten e tij me kamerën e makinës gjatë kohës që gjente shtëpinë e shtetasit gjerman. Fatmirësisht e gjeti dhe ia dorëzoi portofolin. Shtetasi gjerman e falënderoi shumë dhe e ‘shpërbleu’ atë me 20 euro.
    Sara nga Tirana
    Kandidatja e dytë është Sara nga Tirana, e cila, nuk zgjidhi të dhurojë para apo rroba për të prekurit nga tërmeti në Turqi dhe Siri, por shprehu gatishmërinë e saj për të birësuar një fëmijë, që ka humbur familjen në rrënojat e asaj lëkundjeje të madhe. Ajo tha për JOQ se po pret momentin kur ta njoftojnë se mund të birësojë një fëmijë në Turqi apo Siri.
    Deoni
    I treti është Deoni i vogël nga Kukësi, i cili na tregoi se nuk ka rëndësi mosha për të pasur një zemër të madhe. Ai dhuroi arkën e tij të kursimeve për të prekurit nga tërmeti në Turqi dhe Siri. Ndoshta ato pak të holla të tij nuk janë asgjë, por mesazhi i tij është shumë më i madh.
    Shoferi i kamionit
    I katërti është shqiptari, shofer kamioni, i cili u nis nga Shkupi më qindra ndihma për të prekurit nga tërmeti në Turqi. Vetëm dy ditë pas tërmetit, ai mblodhi ndihma dhe u nis i vetëm drejt qytetit të shkatërruar nga lëkundjet sizmike.
    Babë e bir nga Kukësi
    Në vendin e pestë, janë babë e bir nga Kukësi. Afrim Cenaj(babai) dërgoi në redaksinë e JOQ Albania foton kur i puthte duart djalit të tij për të mos u larguar nga Shqipëria. Afrimi është pjesë e listës së heronjve për drymën që i jep djalit të tij që të kontribuojë në vendin e tij, ndërsa i biri është në listë sepse, pavarësisht situatës së vështirë në Shqipëri, po merr zanatin e babait dhe ka premtuar se do punojë për Shqipërinë.
Më të Lexuarat
Shkarkoni aplikacionin JOQ ALBANIA në platformat
Më të fundit