Mirlinda Karçanaj godet përsëri. Jo me inteligjencën e saj natyrisht, por me bëmat për shpërdorimin e parave të shqiptarëve nëpër tendera të dyshimtë. Në rastin konkret bëhet fjalë për një tender që AKSHI i ka dhënë kompanisë IMAGE & COMMUNICATIONS DEVELOPMENT në vlerën prej 11,520,000 lekë të reja pa TVSH ose rreth 140 milionë lekë të vjetra me TVSH.
Kjo kompani është në ponësi të Igli Gjelishtit, i akuzuar shpesh në media se përdor skema për të transferuar paratë e shqiptarëve në xhepat e Carlo Bollinos. Sipas këtyre denoncimeve publike, Carlo Bollino është përfitues i miliarda lekëve nga paratë publike të shqiptarëve nëpërmjet kompanisë së Igli Gjelishtit, Image & Communications Development.
Skema e denoncuar publikisht ka qenë e tillë: Igli Gjelishti fitonte tenderat në vlerë prej miliarda lekësh pa konkurrencë nga AKSHI i Mirlinda Karçanaj dhe më pas kryente pagesa ndaj kompanivë në pronësi të Carlo Bollinos dhe bashkëshortes së tij Alba Malltezi.
Në këtë mënyrë transferonte “de facto” paratë e taksapaguesëve shqiptarë në xhepat e familjes së Bollinos. Duket se e njëjta gjë ka gjasa të përsëritet pasi kjo kompani është “gostitur” përsëri nga Mirlinda e AKSHI-t me 140 milionë lekë të tjera.
Madje duke parë edhe dokumentacionin e tenderit, shikohet se një firmë tjetër nga pjesëmarrësit e tenderit, ka ofruar shifër më të ulët, por nuk është marrë në konsideratë. Si rrjedhojë fituese është shpallur kompania e Gjelishtit me ofertën e përmendur më lart e cila është sa 86% e fondit limit. A do t’i hedhë ndonjë sy SPAKU edhe këtij tenderi? Si mendoni?