Një banor i fshatit Vadhizë, Fier është ngujuar në makinën e tij në një sipërfaqe toke që ka në pronësi pasi ka frikë se aty do ndërtohet një shtyllë e tensionit të lartë.
Shtetasi Ervin Memo pretendon se e ka me dokumenacion të rregullt tokën mbi të cilën do të vendoset shtylla e tensionit të lartë. Ai thotë se firma që do vendosë shtyllën i ka konfirmuar se toka e tij nuk do preket, por kur janë bërë piketimet ai ka vënë re se shtylla do vendoset mbi pronën e tij.
Ai thotë se ky proces po manipulohet pasi në bazë të dokumentacionit shtylla duhet të vendoset në një hapësirë toke që në hartë rezulton tokë shtet, rrugë dhe jo në pronën e tij.
Ai nuk pranon të dalë nga makina edhe pse punonjës të firmës kanë shkuar për vazhduar punimet.
