Shqiptarët, si një ka popujt më kafedashës në botë, do të përballen sërish me një çmim të rritur të kafes në lokale. Shqipëria është vendi me më shumë kafene në botë, ku shifrat flasin për afro 700 lokale për 100 mijë banorë. Frekuentimi i kafeneve tashmë nuk bëhet vetëm për konsumin e kafes ditore, por edhe si vend takimesh, mbledhjesh, vend studimi e mbi të gjitha vend thashethemesh.
E megjithëse shqiptarët pinë kaq shumë kafe, shoqata e bareve në Shqipëri thotë se çmimi i kafes nuk është në standardet e duhura që të sjelli fitime për ta. Ndikuar nga mungesa e punëtorëve dhe rritja e pagës për stafet, baret thonë se çmimi i kafes do të ndryshojë sërish. Mesatarisht një kafe blihet në Tiranë nga 80 deri në 120 lekë, e megjithatë për konsumatorët do të ketë çmime më të larta.