Janë të shumta denoncimet e qytetarëve që ankohen për rrugët e degraduara në vend. Infrastruktura rrugore në Shqipëri, lë për të dëshiruar, pasi në shumë fshatra e qytete përballesh me rrugë të prishura, të paasfaltuara, me baltë e gropa.
Së fundmi, një banor i fshatit Xathë të Pukës, ka dërguar në redaksinë e JOQ Albania, pamje të gjendjes së rrugës së zonës ku ai jeton. Siç shihet, rruga është tejet e rrënuar dhe të jep përshtypjen sikur fshati ka ngelur në epokën e mesjetës. Sipas banori të zonës, rruga është katastrofë, ndonëse prej 3 vitesh ka qenë një shqetësim për banorët, pushteti vendor nuk ka marrë asnjë masë për shtrimin e saj.
Banorët shpresojnë se rruga e harruar nga ish-kryetari i Bashkisë Pukë, Gjon Gjonaj, të shtrohet nga kryebashkiaku aktual i koalicionit Bashkë Fitojmë, Rrok Dodaj.