Tea dhe Elvisi janë ndër çiftet më të përfolura të kohëve të fundit në "Për'puthen". Takimet e tyre të njëpasnjëshme dhe emocionet që i dhuruan publikut ishin të shumta, por gjërat në takimin e fundit nuk shkuan ashtu siç priteshin.
Ditën e sotme u transmetua takimi i tretë i tyre, i cili erdhi pas insistimit të të dyve për të vazhduar njohjen pa u ftohur gjërat. Gjatë bisedës, Elvisi tha se në surprizën e takimit të dytë që organizoi për Tean me fishekzjarre dhe vallëzim romantik ai u emocionua, por lotët nuk ishin si rezultat i situatës romantike ku ndodheshin. Elvisi u shpreh se lotët nuk qenë emocional, por për shkak të fishekzjarrëve dhe tymit të krijuar në studio.
“Nuk kanë qenë emocional lotët, por nga fishekzjarrët, por nuk e mohoj që nuk kam qenë i emocionuar”, tha Elvisi.
Një deklaratë e tillë ngjalli shumë reagime në studio, dhe duket se kjo e shtyu Tean që të ndryshonte partner për takimin e javës tjetër, pasi zgjdodhi një ndër djemtë e sapo ardhur, Erlindin.
