Pasi lejoi abuzimet me rrugën, Ergys Verdho i jep 900 milionë Paqsor Buzit për ta rregulluar

Shkruar nga: M Gjini | Publikuar më: 01.06.2021, 22:18

Një skandal i vërtetë ky që do t’ju paraqesim në vijim. Nëse e mbani mend, disa ditë më parë, vetë ministrja Balluku e shoqëruar nga drejtori i ARRSH-së Ergys Verdho inspektuan një pjesë të aksit Vlorë-Orikum ku një pjesë e rrugës qe dëmtuar. Ky dëmtim nuk qe për shkaqe natyrore, por sepse disa qytetarë kishin abuzuar duke ndërtuar parking poshtë rrugës, gjë që kishte sjellë edhe dëmtimin e rrugës.

Mirëpo në vend që ARRSH të merrte masa dhe të parandalonte në kohë dëmtimin e rrugës nga këta abuzues, në fakt nuk e vuri fare ujin në zjarr. Në momentin që problemi u shfaq para të gjithëve sepse rruga u dëmtua, atëherë thanë se e kishin dërguar abuzuesin në prokurori. E bukura qëndron se nëse do të kishin marrë masa për të mos e lejuar qytetarin të abuzonte me parkimin, nuk do të qe prishur rruga dhe as nuk do të nevojitej të hapej një tender për ta rregulluar.

Natyrisht parandalimi nuk ndodhi dhe tani ARRSH e Ergys Verdhos ka vendosur të paguajë rreth 900 milionë lekë të vjetra me TVSH për rregullimin e diçkaje që mund të parandalonte. Këto para rezulton se do të futen në xhepat e Paqsor Buzit të kompanisë GPG. Bëhet fjalë për tenderin me numër reference REF-96659-05-27-2021 dhe me objekt “Stabilizimi i qëndrueshmërisë të trupit të rrugës në aksin rrugor Vlorë – Orikum (zona Jonufër – Nimfa)” me fond limit 71,922,762 lekë të reja pa TVSH.

Përveçse sa më sipër, shikohet qartë se edhe vetë tenderi ka parregullsi që të shpien në dyshime për paracaktimin e fituesit. Kështu shikohet se për çudi të treja firmat që kanë marrë pjesë në garë, kanë ofruar shifra thuajse të njëjta me diferenca pothuajse qesharake nga njëra-tjetra. Ky fakt sipas praktikës ndërkombëtare të procedurave të prokurimit sinjalizon se mund të kemi të bëjmë me një fitues të paracaktuar. Nga ana tjetër shikohet se procedura e tenderit ka qenë me negocim, pa njoftim. Së fundmi shikohet se vlera fituese është thuajse e njëjtë me fondin limit të tenderit, përkatësisht sa 99.7% e tij. Të gjitha sa më sipër ngrenë dyshime se fituesi mund të jetë i paracaktuar dhe se ARRSH i ka “dhuruar” Paqsor Buzit plot 900 milionë lekë të vjetra me TVSH për diçka që mund ta parandalonte. Jepi “Gysi”!

PERSONAZHI I VITIT 2021
KLIKO PËR TË VOTUAR
  • Elvis Naçi
    Drejtuesi i Fondacionit "Firdeus", i njohur si mirëbërësi i shqiptarëve të varfër me punën e tij të palodhshme. Banesat që po ndërtohen për të prekurit nga tërmeti, nga fondacioni i tij janë drejt fundit.
    Arjan Sala
    Heroi i Heshtur! Security i një qendre tregtare, i cili dha jetën mes flakëve për të shpëtuar punonjësit që ishin bllokuar nga zjarri në magazinë.
    Edi Rama
    Kryeministri unik, që shpiku skemën e patronazhistëve duke përgjuar shqiptarët dhe pavarësisht kësaj ata i dhanë edhe mandatin e tretë.
    Lulzim Basha
    Kreu i PD-së, rekordmen për qëndrimin në opozitë dhe guximtar për ‘vrasjen’ e babit të tij politik, Sali Berisha.
    Sali Berisha
    Ish-kryeministri i Shqipërisë dhe ish-kreu i PD-së, i cili, pavrësisht se u shpall “Non-grata” nga SHBA dhe u përjashtua nga PD, arriti të mblidhte Kuvendin Kombëtar të partisë që themeloi dhe e rithemeloi me një pjesëmarrje masive.
    Marin Mema
    Gazetari, i cili u angazhua në rindërtimin e banesave të rrënuara nga tërmeti dhe arriti të dorëzonte brenda disa muajsh çelsat tek qytetarët.
    Altin Goxhaj
    Avokati i njohur në Shqipëri, i cili ngre gjithnjë zërin publikisht ndaj shkeljes të së drejtave të qytetarëve të thjeshtë nga shteti.
    Klodian Elqeni
    I riu, i cili shkelmoi shoferin e çmendur që hyri me makinë në sheshin Skënderbej duke i rrezikuar jetën qytetarëve. Ai fluturoi mbi dritaren e makinës duke neutralizuar agresorin.
    Armando Broja
    Futbollisti i Kombëtares Shqiptare që po shkëlqen në kampionatin anglez. Performancë fantastike edhe me Kombëtaren shqiptare.
    Distria Krasniqi dhe Nora Gjakova
    Dy xhudistet nga Kosova që fituan medalje të artë në Lojërat Olimpike në Tokyo.
    Albin Kurti
    Kryeministri i Republikës së Kosovës, i cili fitoi zgjedhjet sërish dhe arriti të krijojë qeverinë e re në Kosovë.
    Lylzim Sulejmani
    Shqiptari nga Presheva, i cili arriti të shpëtonte 7 shqiptarë të Maqedonisë së Veriut nga autobusi, që shpërtheu në flakë në Bullgari.
Më të Lexuarat
Shkarkoni aplikacionin JOQ ALBANIA në platformat
Më të fundit