Që një pjesë e zotëruesve të ECO Tirana kanë lidhje me mafian italiane kjo është provuar që në vitin 2016, të krijimit të kësaj shoqërie me kryetar Arbian Maznikun dhe bord të bashkisë Tiranë. Prej vitesh ECO TIRANA ka funksionuar si lavatriçe e parave të pista të Erion Veliajt dhe bashkëpunëtorëve të tij në tenderat e kryeqytetit. Ky artikull bën fjalë për një tjetër tender abuzim të Erion Veliaj me paratë e qytetarëve nëpërmjet kësaj kompanie si Institucion Prokurues nën varësinë e Bashkisë Tiranë. Tenderi bën fjalë për blerje pjesë këmbimi për mjete për Eco Tirana. Fitues i këtij tenderi janë shpallur dy ortakë, njëri përfitues i njohur tenderash ën rang lokal, ndërsa për tjetrin nuk ka asnjë të dhënë si person fizik.
Eni Qendraj dhe Power Industries shpk janë shpallur fitues të tenderit me vlerë 358 MLN Lekë pa TVSH, si konkurrues të vetëm. Kjo procedurë prokurimi publik është shënuar me FLAMUR TË KUQ për “Mungesë Konkurrence”, i disati brenda një jave në vlerë miliardash shpërdorim të buxhetit të bashkisë, të dhëna në shkelje të ligjit të Prokurimeve Publike. Le t’i hedhim një sy Power Industries shpk me zotërues Maksim Shenën dhe Olta Xhaferin me përqindje të barabartë aksionesh. Kjo kompani ka një total vlerë tenderash 6.8 Miliard Lekë në rang lokal. 3.2 MLD të përfituara nga Bashkia Tiranë, për 48 të tillë, 19 prej tyre me FLAMUR TË KUQ. Nuk dihet çfarë i ka bërë bashkë këtë kompani të krimbur në lekë nga paratë e popullit të shqiptarë të dhëna nga Veliaj dhe mafia italiane, me një person fizik për të cilin nuk ka asnjë të dhënë. Nëse SPAK ka ende dyshime a duhet të hetojë për kryebashkiakun e Tiranës, ja ku e ka edhe një tjetër material sade të përgatitur nga JOQ ALBANIA mbi abuzimin e parave publike. Të kesh të vërtetën para syve dhe të bësh sikur nuk sheh, është e rëndë për një insitucion të tillë!
© 2021 JOQ ALBANIA Të gjitha të drejtat e rezervuara
Ky artikull është ekskluziv i JOQ ALBANIA, gëzon të drejtën e autorësisë sipas Ligjit Nr. 35/2016, "Për të drejtat e autorit dhe të drejtat e lidhura me to". Shkrimi mund të ripublikohet nga mediat e tjera vetëm duke cituar JOQ ALBANIA dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
