Tifozi që goditi Dimitri Payet gjatë trazirave në ndeshjen Nice-Marseille, është dënuar me gjashtë muaj burg. Sfida Nice-Marseille u ndërpre pasi tifozët hodhën fillimisht me sende në drejtim të Payet dhe pasi ky i fundit reagoi, ata u sulën drejt fushës për t’u përleshur me të dhe futbollistë të tjerë të Marseille. Tifozi, i quajtur Tony C., 29-vjeç, u paraqit në gjykatë ditën e sotme në Nice së bashku me avokatin e tij. Diskutimi përfundimtar do të zhvillohet më 30 shtator, ku paditësi do të jetë Payet.
Mësymja e tillë e tifozëve në fushë, është një fenomen i cili po përsëritet shpesh në Ligue 1 në Francë. Kujtojmë se skena të tilla u regjistruan edhe fundjavën e kaluar në ndeshjen Lens-Lille, ku tifozët u përleshën me njëri-tjetrin. Gjithashtu organet disioplinore kanë pezulluar edhe fushën e Nice për dy ndeshje pa praninë e tifozëve, si masë ndëshkuese për trazirat e krijuara.