Bora dhe temperaturat nën zero që kanë “mbërthyer” vendin tonë ditët e fundit kanë bërë që disa fshatra në Korçë dhe Pogradec të mbeten pa energji elektrike. Vlen të thuhet se Korça është një ndër qarqet e vendit që vijon të jetë nën “pushtetin” e acarit.
Termometri shënon -12 gradë Celsius, ndërsa për shkak të borës dhe ngricave vijojnë që të jenë të izoluar fshatrat Panarit, zona e Mokrës dhe Lekas. Ndër të tjera, disa fshatra si Kolonja, Vithkuqi, Devolli dhe Maliqi kanë probleme me energjinë elektrike.