Ashtu siç denoncuam edhe në tenderin paraardhës, Petrit Vasili para shtatorit ka marrë një sërë temderash me vlerë të majme në Shëndetësi me kompaninë në emër të djalit të dajës, para se të niste luftën kundër korrupsionit të PS.
Në një tender të Shëndetësisë, ministrja Ogerta Manastirliu ka gjetur një grup të spikatur oligarkësh të kësaj fushe dhe i ka dhuruar mbi 1 MILIARD Lekë nga paratë e taksapaguesve shqiptarë.
Përfitues po ashtu është edhe Endrit Hido nipi i i oligarkes së koncesionit të Check Up Vilma Nushit, me kompaninë e tij TRIMED dhe oligarku i ilaçeve dhe farmacive Eduard Curraj i Delta Pharma.
Tenderi është shënuar me Flamur të Kuq për mungesë Konkurrence. Që do të thotë se grupi i oligarkëve kanë hyrë në garë të sigurt se do i fusin paratë e popullit në xhep.
Gjatë muajve të fundit, Ministria e Shëndetësisë ka hapur thesin dhe ka nisur të flakërojë në ajër taksat e shqiptarëve duke u mbushur xhepat biznesmenëve për punë që nuk kryhen apo për ilaçe që mungojnë.
Më tej, redaksia e JOQ Albania do të bëjë publike të gjitha aferat e Shëndetësisë që prej një kohe të gjatë duhet të ishin vënë nën hetim nga SPAK për abuzim me paratë publike.