Frika masive nga Koronavirusi, Kina merr vendimin drastik për kartmonedhat

Kina po izolon dhe po dezinfekton edhe kartëmonedhat në kuadër të përpjekjeve për të ndaluar përhapjen e koronavirusit që ka vrarë më shumë se 1500 njerëz.

Banka Qendrore e Kinës u shpreh:

Kemi vendosur në përdorim dritë ultravjollcë ose temperaturë të lartë për të dezinfektuar kartëmonedhat kineze, juan, pastaj vendosin një vulë dhe ruajnë paratë nga shtatë deri në 14 ditë para se t’i rivendosin në qarkullim."

Virusi, i cili ka infektuar më shumë se 66,000 njerëz në Kinë dhe është përhapur në shumë vende të tjera, ka nxitur një dezinfektimin masiv të vendeve publike dhe minimizimin e kontaktit mes njerëzve.

Banka qendrore ka “lëshuar” katër miliardë juanë për provincën Hubei, epiqendrën e shpërthimit të epidemisë, para festës së fundit të Vitit të Ri Lunar.

Farmacitë kanë shitur masivisht maska dhe solucione dezinfektuese dhe në institucione e zyra janë vendosur pako me facoleta dhe maska.

Fan Yifei, zëvendës guvernatori i bankës qendrore të Kinës, tha të shtunën se bankave u është kërkuar të ofrojnë kartëmonedha të reja për klientët kurdo që të jetë e mundur.

Sipas Organizatës Botërore të Shëndetit, COVID-19 mund të përhapet përmes objekteve të kontaminuara përveç pikave dhe kontaktit të drejtpërdrejtë me pacientët e infektuar.

Marrë nga: economictimes Përshtati dhe Përktheu: JOQ Albania