Thumana qe padiskutim një nga zonat më te prekura nga tërmeti i fuqishëm i 26 nëntorit, që la pasoja tragjike dhe mori 51 jetë. Madje, raportohet se ka ende familje të cilët kërkojnë kontejnerë për të kaluar netët e ftohta të dimrit.
Një ndër to është edhe familja Koleci, të cilët deri më tani kanë jetuar te banesat e të afërmve të tyre që nga nëntori tragjik.
Kryefamljari Nerim Koleci ka treguar detaje të tjera, ku thonë se ka edhe një vajzë të vogël 3 vjeç.
"Unë kam vajzën tre vjeç, edhe nusen dhe vetë. Aktualisht po jetoj një ditë te një mik, një ditë te një tjetër, kam ngelur në qiell të hapur", tha Nerim Koleci.
Ai tregon se ka aplikuar për bonus qiraje por nuk e ka marrë atë, dhe kërkesa e tij është e thjeshtë: një kontejnerë.
"Kam aplikuar për bonus qiraje, por nuk po e dimë. Del sot nuk del tre muaj. Nuk kam marrë asnjë ndihmë, vetëm nga një kishë këtu në Thumanë. I bëj thirrje ndonjë privati që të më sjellë një kontejner se nuk e di çfarë të bëj", tha Nerim Koleci.