Ditën e sotme është ndarë nga jeta artisti i njohur shqiptar, Përparim Tomçini.
Ai njihet nga publiku shqiptar për krjimtari të gjerë muzikore dhe është autor i më shumë se 400 kompozimeve të këngëve dhe melodive të ndryshme.
Lajmi u bë i ditur nga ish deputeti i PS, Luan Rama në një status në profilin e tij në Facebook.
PËRSHPIRTJE PËR PËRPARIM TOMÇININ! Sot është ndarë nga jeta Përparim Tomçini i Dibrës, njeriu zemërbardhë e miku zemërmirë, artisti i talentuar dhe me një profil të spikatur e të konsoliduar prej vitesh, që me shpirtin e vet qytetar dhe forcën e talentit të madh, i dha këngës dibrane përmasat e shpirtit shqiptar, duke e ngritur atë në nivele të panjohura më parë dhe duke e bërë këngën e të gjithëve, të shqiptarëve e zemrave të tyre. Humbja është e madhe dhe pesha e dhimbjes e rëndë! Ngushëllime familjes dhe të gjithë miqve të tij të shumtë! Ngushëllime komunitetit të artistëve e gjithë Dibrës për humbjen e pazëvendësueshme! Lamtumirë mik e shok i shtrenjtë, që njësoj si valët e Drinit, do të jesh përherë i gjallë me këngën tënde që do të këndohet sa të ketë Dibër dhe shqiptarë mbi këtë dhe! Të ndrittë shpirti Përparim Tomçini!