Pak ditë më parë, Drejtori i policisë së Shtetit, Ardi Veliu, shantazhoi përmes një videokonference nënën e djalit 15-vjeçar që policia e tij dhunoi pranë Liqenit Artificial. Ai tregoi një video të saj ku shfaqej me një pistoletë në dorë, teksa xhironte një film.
Veliu e përdori këtë video për të justifikuar dhunën e policisë, duke treguar edukatën e familjes nga vjen adoleshenti. Kjo ishte e turpshme duke treguar edhe një herë llumin e madh që drejton policinë.
Lidhur me këtë ka reaguar edhe Elisa Spiropali. Në një intervistë për Abcneës, Spiropali është përpjekur të justifikojë Veliun.
Ajo ka thënë që Veliu ka qenë i stresuar dhe se ka marrë dënim moral.
Pjesë nga biseda:
Elisa Spiropali: Ishte deklaratë e gabuar, e nxituar, e panevojshme, arsyetoj unë dhe ata që janë pyetur, edhe kryeministri. Drejtori i Përgjithshëm është në një stres të madh, nën një presion të jashtëzakonshëm…
Juli Xhokaxhi: Zonja Spiropali, ky nuk mund të jetë një justifikim, që ka qenë i stresuar, sepse mund të dalë dhe roja i shkollës të thotë isha i stresuar…
Elisa Spiropali: Më dëgjuat të justifikoj drejtorin?
Juli Xhokaxhi: Sapo thatë ishte shumë i stresuar.
Elisa Spiropali: Fola mbi kontekstin ku operaon drejtori i policisë, Ku plūmbat politikë e mediatikë që bien mbi drejtorin e policisë. Ishte një deklaratë e panevojshme dhe e gabuar. Ka marrë ndëshkimin publik dhe moral dhe vërejtjet përkatëse. Por veprimtaria e tij në krye të policisë është me e vlefshme se sa gabimi që ka bërë.