Mediat britanike kanë publikuar pamjet tronditëse nga tentativa për vrasje ndaj një shqiptari në Londër, i cili u qëllua me armë zjarri teksa ishte duke lëvizur me makinë.
Ngjarja e rëndë ndodhi pasditen e djeshme, ndërkohë që shënjestër e atentatit ishte një 20-vjeçar me origjinë nga Kukësi, i identifikuar si D.Gashi.
Siç shihet dhe në pamjet e rënda, i riu shqiptar shihet i gjakosour brenda në automjet.
Burime për JOQ Albania bëjnë me dije se i riu i është nënshtruar një operacioni në spital dhe fatmirësisht ndodhet jashtë rrezikut për jetën.
Bashkë me shqiptarin, mbeti i plagosur edhe një tjetër 20-vjeçar, i cili është jashtë rrezikut për jetën.
Nuk dihen ende arsyet e kësaj ngjarjeje të rëndë, ndërkohë që policia britanike ka nisur hetimet për zbardhjen e shkaqeve të atentatit.
