Detaje të reja janë zbardhur nga skandali i rradhës seksual, ku një shefi i policisë në Fushë Arrëz u ndalua nga SHÇBA-ja, pasi akuzohet se ka përdhunuar një vajzë, e cila kishte shkuar të bënte një denoncim.
Drejtuesi i lartë i policisë është identifikuar si Izmir Duraku. Ai dyshohet se ka përdhunuar një vajzë, që shkoi të denonconte rastin e një abuzimi seksual nga disa punonjës të Shtëpisë së Fëmijës në Shkodër.
E reja vendosi të bënte kallëzimin penal për shefin e policisë në prani të një psikologu, ndërkohë që ngjarja ka ndodhur në vitin 2015.
Ajo që e bën akoma më skandaloze këtë ngjarje është se kjo fakti se ky nuk ishte rasti i parë që Izmir Duraku ka përdorur postin e tij për të përfituar favore seksuale.
Rreth tre vite më parë, mbesa e shkrimtarit Martin Camaj, Vera Camaj, deklaroi në media se shkoi të kërkonte ndihmë në Komisariatin e Policisë së Fushë-Arrëzit, pasi ishte dhunuar nga bashkëshorti i saj dhe nuk i kishin dhënë urdhrin e mbrojtjes.
Asokohe, Camaj shprehej se u përball me Izmir Durakun, të cilin e denoncoi publikisht për abuzim.
Sipas saj, Duraku i kishte kërkuar favore seksuale për t'i dhënë urdhrin e mbrojtjes.
Në atë kohë, ajo deklaronte:
Por çfarë ndodhi me Vera Camajn, pasi e denoncoi publikisht këtë super-skandal?
Si gjithmonë, asgjë! Po, po! Asgjë! Vera Camaj mori veç përbuzje dhe e zhgënjyer nga drejtësie shqiptare, ajo u largua drejt Gjermanisë që prej vitit 2019, ku ka kërkuar azil.