Merkatoja ka nisur dhe dy ekipet e njohura italiane, Milani dhe Interi janë duke piketuar lojtarët e mundshëm që do afrojnë në ekip.
Së fundmi, mediat italiane raportojnë se dy ekipet e Milanos po mendojnë një shkëmbim të bujshëm në merkato.
Kuqezinjtë dhe zikaltërit po mendojnë që të shkëmbejnë kokë më kokë dy mesfushorët e tyre, Kessien dhe Vecinon.
Konte dëshiron më shumë muskuj në mesfushë, ndërsa Milani mund të freskojë repartin e mesit të fushës.
Nëse dështon pista Kessie, Interi do synojë Vidalin e Barcelonës.
Shkëmbime janë bërë edhe më përpara mes Interit dhe Milanit dhe edhe ky shkëmbim ka gjasa të mëdha të ndodhë.
Bisedimet vazhdojnë mes dy skuadrave të Milanos dhe duhet të presim e të shohim nëse do realizohet.