Policia greke ka shkatërruar një rrjet të gjerë kriminal të trafikimit të lëndëve narkotike. Aksioni i zhvilluar në qytet dhe zonën e gjerë të Igoumenitsa, ka çuar nën hetim të paktën 27 persona. Mes grupit trafikant është arrestuar edhe udhëheqësi i tyre si dhe tre gra, një prej të cilave e huaj dhe dyshohet të jetë shqiptare.
Grupi u furnizua me drogë nga drejtuesi i tyre, i cili i importoi ato nga Shqipëria përmes anëtarit të huaj (shqiptar) të grupit dhe më pas u kujdes për trafikimin e tyre të mëtejshëm përmes anëtarëve të tjerë. Autoritetet raportojnë se gjatë hetimit të çështjes, kanë ndodhur më shumë se 900 transaksione të drogës, nga të cilat vlerësohet se të pandehurit kanë fituar mbi 90,000 euro.
Nga kontrollet në banesë u gjetën dhe konfiskuan gjithsej 14.415 euro, një armë kallashnikov, fishekë, heroinë që peshonte 5.1 gramë, kanabis në formë të papërpunuar dhe të përpunuar me një peshë totale prej 7.3 gramë, 126 pilula të drogës, 2 peshore elektronike, 2 thika, si dhe 5 telefona celularë.
Burimi: PREVEZANEWS.GR Përktheu dhe Përshtati: JOQ Albania
