Një lajm i keq vjen nga Brazili, për gjithë tifozët e futbollit, aty ku as Ronaldinho nuk i ka shpëtuar dot koronavirusit. Ylli brazilian ka njoftuar se është prekur nga COVID-19. Për fatin e mirë, 40-vjeçari gjithashtu ka thënë se nuk ka simptoma dhe gjendja shëndetsore është e qëndrueshme.
Ronaldinhos tani i duhet të qëndrojë në izolim për së paku 10 ditë deri sa të shërohet plotësisht. Muajt e fundit, Ronaldinho ka vuajtur jo pak, pasi ka pasur dhe probleme me drejtësinë. Legjenda braziliane qëndoi disa javë në burg, për falsifikim dokumentash. Pikërisht kur ka pak kohë që fitoi lirinë, ai tashmë duhet të luftojë edhe me koronavirusin.