Mbrëmjen e sotme kryeministri Rama ka folur në lidhje me aktualitetin dhe situatën e krijuar në Rinas pas pezullimit të punës nga ana e kontrollorëve të trafikut ajror. Më pas fokusi i dikutimit me gazetarët u zhvendos në fushën e ekonomisë, e cila po kalon një situatë jo pak të vështirë. Rama u ndal në krahasimin me qeverinë paraardhëse, ku nuk hezitoi të deklaronte se PS ka financuar më shumë për infrastrukturën rrugore dhe se i ka përfunduar shuë punë të lëna përgjysmë. Gjithashtu u ful edhe në lidhje me biznesin e vogël dhe u përmendën disa raporte ndërkombëtare, sipas të cilave qeveria ka bërë hapa prapa dhe regres në këtë fushë. Si arsye për këtë u theksua fakti se PPP-të kanë ulur konkurrueshmërinë.
Por Rama insistoi duke deklaruar se ne kemi më shumë investime të huaja se më parë dhe të një natyre komplet tjetër, ndërsa për PPP-të u shpreh i vendosur se do i bënte edhe tre herë të tjera nëse do të kthehej mbrapa. "PPP-të tona unë do t'i bëja edhe njëherë nga e para, edhe dy...edhe tre po të kthehesha dhe sikur të shkruanin dhe 15 herë raportet"- tha ndër të tjera Rama.
