Është zhbllokuar rezultati në “Pushkash Arena”, ku po luhet ndeshja mes Hungarisë dhe Shqipërisë, e vlefshme për kualifikueset e Botërorit. Ka qenë Armando Broja i cili ka gjetur rrjetën në minutën e 79-të. Me një gjuajtje spektakolare ai arriti të mposhtte portierin hungarez, duke shënuar një supergol që do ta kishin zili edhe yjet botërorë. Ndërkohë kanë mbetur edhe pak minuta nga përfundimi i takimit dhe Kombëtarja Shqiptare është shumë pranë fitores.