Në maj të këtij viti dy vëllezërit Klement dhe Eldi Cala, të akuzuar për grabitjet pranë aeroportit të Rinasit u mbyllën në regjmin “41 biss” për një vit. Kur kanë kaluar 3 muaj që nga dënimi i tyre, prokuroria i akuzon dy vëllezërit për futjen e sendeve të ndaluara në qelitë e burgut.
Tre telefona celularë, me numra dhe “Instagram” janë gjetur në qelitë e tyre dhe prokuroria është e bindur se ato nuk janë futur nga familjarët e tyre. Dyshimet e prokurorisë janë se këto sende të ndaluara janë futur përmes punonjësve të policisë.
Sipas “TCH” vetë vëllezërit Cala kanë këmbëngulur në mbyllje te hetimeve se i kanë gjetur telefonat në ambientet e përbashkëta të dusheve, të fshehura në një kuti shampoje. Duke hetuar brendësinë e këtyre telefonave, policia shkencore ka zbuluar se dy vëllezërit komunikonin në greqisht. Kompanitë telefonike të numrave të gjetur në celularët kanë treguar se ato janë regjistruar në emrin e dy vajzave, por këto të fundit dëshmojnë se nuk njohin asnjërin nga të burgosurit duke shtuar se nuk kanë qenë ansjëherë në burg.
Ndërkohë numri i tretë edhe pse është me prefiks shqiptar nuk ekziston si numër. Prokuroria dyshon se është numër i qendrës se mesazheve që abonentët i përdorin për të dërguar mesazhe.