Rreth 55.3% e shqiptarëve mendojnë se të rinjtë e moshës 20 vjeç, janë të papërgjegjshëm për të ndërmarr veprime të duhura. Këtë mendim e kanë më së shumti të moshuarit, të cilët e shohin gjeneratën e re si jo aktiv në marrjen e vendimeve.
Duke nisur nga grup mosha 65-75 vjeç, 65.1 % e tyre, i konsiderojnë të rinjtë të papërgjegjshëm. Kurba vjen në zbritje deri tek grup mosha 18-24 vjeç, ku 24.2 % e tyre mendojnë se të rinjtë janë të papërgjegjshëm.
Ndërkohë sa i përketë punës, 57% e shqiptarëve mendojnë se gjenerata rreth të 20-ve nuk do të punojë. Ata mendojnë se të rinjtë nuk kanë dëshirë të punojnë nisin nga grup mosha 25 deri në moshën 34 vjeç me 53.2%. Madje dhe një pjesë e mirë e të rinjëve mendojnë se bashkëmoshatarët e tyre nuk duan që të punojnë.
Këto matje janë bërë sipas një sondazhi të Euronews Albania, ku shihet qartë një mungesë besimi dhe shprese të brezi i ri. Shumica e shqiptarëve mendojnë se gjenerata e re ende nuk është e aftë dhe e pjekur që të bëjë diçka ndryshe për këtë vend, duke nisur nga puna e deri te vendimet e rendësishme të jetës.
FACT CHECK:
Synimi i JOQ Albania është t’i paraqesë lajmet në mënyrë të saktë dhe të drejtë. Nëse ju shikoni diçka që nuk shkon, jeni të lutur të na e
raportoni këtu.
Heroit të Muajit
KLIKO PËR TË VOTUAR
Djali tek Sheshi Skënderbej
I pari në listë është i riu, që në daljen e tij në sheshin Skënderbej, në fillim të vitit, vendosi që të gëzonte një vajzë të mitur, të pastrehë, që po shijonte vetëm nga jashtë lodrat që ishin vendosur në qendër të Tiranës. Teksa ai e pa, që ajo nuk kishte mundësi ekonomike për të hipur në karusel, e mori dhe bashkë me të shijuan një xhiro.
Qytetari nga Kavaja
Kandidati i dytë është djali nga Kavaja që vendosi t’i hapte derën e shtëpisë Gabrielit, të riut që flinte në rrugët e Tiranës, pasi vuante nga probleme të shëndetit mendor. Ai ishte i vetëm, pasi nuk kishte familje dhe qytetari nga Kavaja vendosi që ta strehonte në banesën e tij.
I riu zemërgjerë
Kandidati i tretë, është i riu nga Tirana, i cili ndaloi makinën në mes të rrugës, në një kohë me shi dhe zbriti nga automjeti për t’i dhënë një palë këpucë dhe një xhup një të moshuare, që po lypte tek makinat, që kishin mbetur në trafik. Ai u kujdes personalisht që ajo t’i vishte ato që i dhuroi dhe më pas u largua.
Djali që ndihmoi të moshuarin
Kandidati i katërt, është një tjetër i ri, i cili po ashtu ndaloi makinën në rrugë për të ndihmuar një të moshuar që i ishte prishur biçikleta. Ai bëri aq sa mundi, që i moshuari të rregullonte biçikletën dhe më pas të largohej drejt banesës së tij.
Greis dhe Rakel
Në vendin e pestë kemi motër e vëlla, Greisin dhe Rakelin, dy të vegjëlit, që detyruan nënën e tyre të ndalonte makinën për t'i dhënë disa të holla një djali të mitur që po lypte në rrugë. I mituri kishte në krahë një fëmjë të vogël dhe kjo preku më shumë motër e vëlla. Ata i lëshuan disa të holla bashkëmoshatarit të tyre dhe më pas u larguan me të ëmën.
