Aktorja e 'Spiderman', Zendaya, është përballur me një moment të sikletshëm në Romë. Mësohet se asaj iu refuzua hyrja në një restorant luksoz për shkak të kodit të rreptë të veshjes.
Aktorja 26 -vjeçare, e cila kishte veshur një bluzë të zezë të shkurtër dhe pantallona ngjyrë bezhë, shkoi të darkonte në “Terrazza Borromini” të qytetit italian, por atje kërkohej një veshje të stilit ‘smart casual’ për mysafirët.
Megjithatë, ylli, i cili kishte një rezervim, u largua nga restoranti, shkruan DailyMail. Ajo dhe shoqëruesit e saj përfunduan duke darkuar në një piceri aty pranë pas incidentit.
