Punonjësit e një banke në Brazil janë përballur me një ngjarje të pabesueshme të martën, pasi një grua ka shkuar të marrë kredi duke përdorur firmën e një burri të vdekur.
Érika de Souza Vieira Nunes, është paraqitur në bankë bashkë me xhaxhain e saj të vdekur dhe e ka detyruar të nënshkruajë kredinë me vlerë 3000 euro. Por kur punonjësit e bankës kanë vënë re bardhësinë e frikshme të 68-vjeçarit kanë njoftuar ambulancën dhe policinë.
“Nuk besoj se kjo që po bëni është e ligjshme. Nuk duket shumë mirë zotëria. Ai është shumë i zbehtë," thanë punonjësit ndërsa gruaja iu përgjigj, "Kështu është gjithmonë!"
Gruaja e cila është mbesa dhe kujdestarja e 68-vjeçarit, dëgjohet duke i bërtitur të moshuarit:
“Xhaxha më dëgjon? Ti duhet të nënshkruash. Nuk mund të firmos për ty. Nënshkruani këtu dhe mos më shqetëso."
Kur ekipet e shpëtimit mbërritën në bankë zbuluan se i moshuari kishte kohë që kishte vdekur. Policia arrestoi menjëherë mbesën e tij e cila akuzohet për tentativë vjedhjeje me anë të mashtrimit dhe përdhosje të kufomës.
Ajo që autoritetet po shqyrtojnë tani janë pamjet nga kamerat e sigurisë për të përcaktuar nëse ajo ka vepruar e vetme apo nëse ka pasur bashkëpunëtorë jashtë bankës.
Érika de Souza Vieira Nunes levou o corpo de Paulo Roberto, de 68 anos, a uma agência bancária do Itaú, em Bangu, para tentar pegar um empréstimo de R$ 17 mil no nome dele. Ela foi encaminhada para a delegacia prestar depoimento.
— Jornal O Dia (@jornalodia) April 17, 2024
Crédito: Divulgação#ODia pic.twitter.com/aL3N19f8Tu
